المرتقي، عَالَمُكَ فِي رُقِيّ

السلام عليكم ..
مرحباً بكم .. =) ..
بأتكلم عن اليوم اللي حضرت فيه لقاء رفيق الدرب الثاني اللي كان بتاريخ 8/11/1429 ..
طبعاً الموافقة جت متأخرة يعني تقريباً بعد فجر الخميس .. << اللي هو يوم اللقاء .. لكن ما كان فيه مشكلة .. =)
صحيت الساعة 10 و نصف تقريباً .. و على طول ع النت .. أشيك أشوف هل فيه رحلات للدمام و الا لا .. و الحمد لله لقيت على خطوط سما ..
اتصلت على أخوي و قلت له يلا مشينا نحجز ذهاب و عودة .. قال يلا ..
مشينا لمقر سما و أكدنا الحجز .. و على طول ع الخطوط السعودية علشان نأكد حجز العودة ..
لكن بما أن عندي حجز عن طريق الهاتف و كان المقر زحمة :S .. قلت خله ما راح تكون فيه مشكلة كبيرة ..
كان فيه زحمة عند الخطوط بشكل مو طبيعي .. >< ..
طلعت من عندهم .. و لا أكدت الحجز .. ع طول رجّعت أخوي الغالي أسامة .. لبيته علشان يشوف شالوضع و شو راح يصير .. و أنا على طول صليت الظهر و ع المطار .. نقص البوردينق .. حق الذهاب و نآخذ رقم الحجز للعودة ..
الحمد لله تم كل شي بسرعة .. و رجعت للبيت تقريباً الساعة وحدة الظهر ..
كنت مرة تعبان لكن قلت مو مشكلة .. لازم أكون بالمطار الساعة ثلاث بالتمام .. و تعرفون كان الجو مرة حلو .. و كان زحمة عند المطار لأن أغلب الناس طالعين للبر .. من جد زحمة >< ..
المهم .. أنا تجهزت و لبست و رحت ع طول لأختي آخذ الكاميرا حقتها .. << هي الكاميرا الوحيدة المشحونة .. و الباقي كلها بطارياتها فاضية .. >< ..
بعد ما رجعت للبيت اتصلت على أخوي .. و قال أنه جاهز .. قلت طيب .. جايك الحين ..
رحت و أخذت أخوي .. الساعة تقريباً ثلاث الا ربع .. يعني باقي على الرحلة تقريباً ساعة الا ثلث .. صلينا العصر بعد ما أذن على طول و ركبنا الطيارة بعدها ..
طبعاَ الرحلة من بعد ما ترتفع الطيارة عن الأرض حتى تقلع .. خمس و عشرين دقيقة .. طبعاً من بعد ما ركبنا الطيارة حتى نزلنا تقريباً ساعة الا خمس .. >< ..
المهم وصلنا الدمام الساعة 4:35 العصر .. ع طول رحنا نستأجر سيارة .. و تعرفون لازم تآخذ وقت .. في الوقت اللي جلسنا نشوف فيه السيارة شوي و يأذن .. أخوي قال خلاص و كلمهم عن السيارة اللي يبيها .. و قال بنروح نصلي و راجعين .. و لازم تكون جاهزة ..
طبعاً صلينا المغرب و العشاء جمعاً و قصراً .. << مسافرين ..
بعد ما صلينا لقينا السيارة جاهزة .. ركبنا السيارة .. و مشينا للمقر ..
الحمد لله كان المقر سهل جداً الوصول له ..
وصلنا للمقر خلال نصف ساعة تقريباً ..
وصلنا المقر و نزلنا .. و كان فلاوي و ليدر عند البوابة ..
دخلنا .. و سلمنا ع الشباب ..
جلست مع أخوي نسولف شوي ..
بعدها طلعت برا .. و كان أ. سمير توه داخل بس ما لحقت عليه ..
نزل أ. صلاح الغامدي من القاعة و سلمنا عليه .. و نزل بعده أ. طارق الشتوي .. و جلس معانا شوي .. بعدها جاء وقت الصلاة .. نزل أبو سمر و سلمنا عليه .. بعدها صلوا الشباب ..
بعد الصلاة قالوا يلا .. ع القاعة .. =)
طلعنا و جلسنا .. طبعاً كان الحفل مرة حلو .. كرمنا أبو سمر .. و بعد التكريم و بعد فقرات صوتك حلو .. بدأت فقرة التعريف بكل شخص في المنتدى حضر اللقاء .. اسمه الحقيقي و المعرّف .. و رتبته في المنتدى ..
بدأ التعارف تقريباً بعد سبعة أشخاص قالوا يلا العشاء .. نزلنا العشاء .. بعد العشاء طلعنا لنفس المقر .. كان شوي مرتب .. غير التعارف قبل العشاء ..
الحمد لله عرفنا الشباب الموجودين .. و بعدها جت فقرة الاقتراحات للمنتدى .. تقريباً نصف ساعة أخذت .. كانت كلمة لأبو سمر و أسئلة من الأعضاء و رد عليها أ. صلاح الغامدي ..
بعدها بدأت فقرة الانشاد ..
أنشد أبو سمر .. و أ. محمد الجبالي .. و أغلب أعضاء صدى الخليج .. كانت فقرة مرة حلوة .. طبعاً مر الوقت بسرعة .. للساعة تقريباً 11:30 .. و طلعنا من الحفل مستأذنين من أبوسمر و صلاح و طارق .. و مع أننا طلعنا مبكرين .. الا أن الرحلة فاتتنا .. و اضطرينا نحجز الرحلة اللي بعدها .. اللي تقلع الساعة تقريباً 1:45 بعد منتصف الليل ..
بعدها طلعنا للرياض .. و كان يوم من أمتع الأيام و أجملها ..
طبعاً راح تنزل تدوينة جديدة فيها الصور .. و الفيديو .. و راح تشوفون الدرع اللي أعطاني اياه أبو سمر .. =)
هذا ما لديّ و الله الموفق .. << تعبت ..

التعليقات 14 على “..:| لقاء منتديات رفيق الدرب الثاني |:..”

1. المهند الكدم علق:
   10 نوفمبر 2008 في الساعة 7:32 م

   كلو كوم و مكان المقر كوم ثاني ..

   تعبتني من اتصالاتك هذا و هو سهل الوصول هههههههههههههههههههههه

   الله يحييك يا غالي .. نورت الطلعه بك و باخوك ماشاء الله تبارك الله

   بانتظار الصور و الفيديو ^^”

2. المرتقي، علق:
   10 نوفمبر 2008 في الساعة 8:17 م

   هلا فيك المهند ..

   خلها ع ربك ..

   بعض الأماكن يبيله قوقل ايرث علشان توصل له .. :s

   موفق حبيبي .. =)

3. ابوعبدالعزيز التركي .. علق:
   10 نوفمبر 2008 في الساعة 8:24 م

   ماشاء الله تبارك الله

   رحله موفقه ..

   احمد ربكـ لقيت حجز ..!

   انا فريت ابو الخطوط السعوديه ولا لقيت شي ابد ..!

   كان ودنا نحضر لكن الظروف ماسمحت

   يلا بالتوفيق ناصر ^^

4. المرتقي، علق:
   10 نوفمبر 2008 في الساعة 8:26 م

   هلا فيك أبو عبد العزيز ..

   أنا رحت بسما للدمام .. و رجعت للرياض بالخطوط .. =) ..

   موفق ..

5. mothabr علق:
   11 نوفمبر 2008 في الساعة 1:00 م

   =)

   بداية موفقة

   أ. ناصر

   ننتظر يديدك

6. المرتقي، علق:
   11 نوفمبر 2008 في الساعة 1:49 م

   حياك الله ..

   شكراً أ. معاذ ..

   موفق =) ..

7. { الـ ع ـالـم |~ علق:
   11 نوفمبر 2008 في الساعة 9:16 م

   مااااااا شااااااااء

   راح علينا ذذ

   ليش مافي صور ولا فيديو هههههه

   بالانتظار

   موفق اخوي المرتقي

8. المرتقي، علق:
   12 نوفمبر 2008 في الساعة 12:20 ص

   هلا فيك العالم ..

   الصور و الفيديو بتنزل في المنتدى .. و راح تنزل نسخة منها هنا .. =)

   موفق ..

   =)

9. المؤيد الكدم علق:
   15 نوفمبر 2008 في الساعة 7:10 م

   مشاء الله تبارك الله

   حقيقة اتشرفنا بشوفتك والتعرف على أخوك

   فعلا كما ذكرت كان لقاء ماتع

   والله يجمعنا على خير مرات أخرى

10. المرتقي، علق:
    17 نوفمبر 2008 في الساعة 6:39 م

    يا هلا فيك المؤيد ..

    لنا الشرف يا الغالي ..

    موفق ..

    آمين .. =)

11. {سُكُونْ آلليْلّ~ علق:
    17 نوفمبر 2008 في الساعة 8:22 م

    وعليكم السسسلـآم ورحمة الله .. !

    رـآحــت ع‘ــلينـا . .

    بسس مـآ عليه . .

    ويعطيك الع‘ـآفية حبيبي نـــاصِر . .

    أمتع‘ـتنـا بتدوينتك هذه . .

    ربّي يوفقك ح‘ـبيبي . . .!

    مُحِبّك
    …………………………………………………………….. {سُكُونْ آلليْلّ~

12. المرتقي، علق:
    18 نوفمبر 2008 في الساعة 9:37 م

    حياك ربي سكون ..

    شرفت عزيزي ..

    و يوفقك يا الغالي ..

    =)

13. سُمَيّهـ~ علق:
    30 نوفمبر 2008 في الساعة 8:44 ص

    ماشاء الله ،
    رحلة ممتعه ،
    أسأل الله ان يبارك لكم في وقتكم

14. المرتقي، علق:
    1 ديسمبر 2008 في الساعة 11:54 م

    حياك الله ..

    و للجميع ..

    موفقه ..

أضف تعليقاً

يجب أن تكون مسجل لإضافة تعليق على الموضوع.