يناير 17 2009
السلام عليكم ..
اليوم بأتكلم عن لقاء حلقات الراجحي بحي الملك فهد في طلعتهم الأخيرة مع المنشد عبد الرحمن الفراج .. بصراحة كان يوم رائع ..
طبعاً محدثكم مو مع الشباب في الحلقة .. لكنه يعرف كم واحد معهم .. لذلك أحب أنسق لهم لقاءات مع منشدين أو غيره باللي أقدر عليه ..
كلمني زياد الهولان قبل أسبوع أو 8 أيام عن الطلعة و أن فيه مهرجان انشادي على قدهم .. و يبغون يستضيفون أحد .. قلت أبشر .. أنا أكلم عبد الرحمن الفراج .. و نشوف وضعه ..
كلمت عبد الرحمن و عطاني موافقة مبدئية .. و الحمد لله ..
بشرت زياد على طول بالموافقة .. و فرح ..
طبعاً كل يوم يحرصني .. إلى أن جاء يوم الأربعاء .. << صارت قبله مواقف سحبات مقصودة
بس خلها مستورة
..
المهم .. كلمت عبد الرحمن و أعطاني الموافقة النهائية و أخذ وصف الاستراحة منهم .. و أنا تجهزت و مشيت بعد صلاة العشاء ..
وصلت الاستراحة بعد عناء .. لأن استراحتهم مدري وين كانت
..
دخلت الاستراحة .. قالوا هذا عبد الرحمن توه واصل .. قلت تمام .. ما تأخرت ..
المهم سواليف خفيفة .. بعدها بدأ النشيد ..
بصراحة أبدعوا الشباب .. في أداءهم .. و أبدع أبو عبد العزيز ( عبد الرحمن الفراج ) .. و ما قصر .. و يا ما جت توريطات و يا ما صار فيه استهبالات ..
بس بصراحة كلمة حق .. نشكر أبو عبد العزيز على الموافقة و الحضور .. و ما قصر صراحة بانشاده .. أبدع ما شاء الله عليه ..
و نشكر شباب الراجحي على حسن ضيافتهم .. و ما قصروا صراحة .. و تعرفنا على شباب رائعين ..
أشكر أبو عزوز .. أحد مشرفي الحلقة .. ما قصر بصراحة ..
و الشكر الأول و الأخير لله عز و جل ..
محبكم ..
التعليقات 8 على “{ .. الأربعاء .. لقاء شباب حلقات الراجحي مع المنشد عبد الرحمن الفراج .. }”
أضف تعليقاً
يجب أن تكون مسجل لإضافة تعليق على الموضوع.

18 يناير 2009 في الساعة 3:15 ص
“كلمني زياد الهولان قبل أسبوع أو 8 أيام ”
هذا الآدمي لسا عايش :seko:
ماشاء الله ..
كويس .. ^^
بالتوفيق ..
18 يناير 2009 في الساعة 8:39 م
هع .. يس ..
لسا عايش و بخير كمان
..
حياك الله ابراهيم .. =)
31 يناير 2009 في الساعة 7:10 م
السلام عليكم ورحمة الله
أخي الفاضِـل
الحمد لله الذي هداني لمدونتكم ..
أخي الفاضل أحتاج منكم خدمة ضرورية جدًا بالنسبة للأخ المنشِـد عبد الرحمن الفراج
وضعت لكم بريدي وأرجو أن ترسلوا لي .
والله العظيم شيء مهم وضروري .
31 يناير 2009 في الساعة 10:44 م
حياك الله أخوي ..
شكراً لمرورك ^^ ..
3 يونيو 2009 في الساعة 8:54 م
سلملي على زياد
والله حلقات الراجحي نشيطه
مشكوور
5 يونيو 2009 في الساعة 11:37 ص
يوصل ان شاء الله .. بس من أقول له ^^ .؟!
وفقك الله حبيبي ..
5 يونيو 2009 في الساعة 10:19 م
قله يسلم عليك واحد من اخوياك ( 3/5 )
وانت اسلم عليك
خلاص عرفتني
7 يونيو 2009 في الساعة 6:13 م
يس .. عرفتك ^^ ..
حياك الله خيو .. : )